Tin un desaroyo andando pa cu refineria di Curacao, ISLA. Recientemente e comitiva especial instala pa Promer Minister Pik Pisas, designa pa selecciona un operador nobo, a tuma un desicion, segun un lider sindical di refineria a informa.

Despues cu varios candidato a cay afo, e gobierno di Pik Pisas a instala un comitiva cu un tarea especial: Bay busca un operador nobo.

E comitiva especial apunta pa Gobierno ta wordo presidi pa Sr Herbert Mensche hunto cu Ludwin Miguel. Diparti RDK (refineria di Kòrsou) tin Arthur Gevers y Londomar Scoop.

E comitiva parce cu ya a pasa e proceso di scrutinacoon te cu nan a yega na eligi e mihor operador pe refineria. Nan tin un desicion!

Gerencia di Refineria di Korsou (RdK) mester a presenta nan sugerensia cu un of mas operador potencial na nan hunta di comisario, ku na nan turno mester presenta esaki na promer minister, esta e desicion di nan escogencia.

Diarason 25 di mei e hunta di comisario mester a bay Conseho di Minister cu nan proposicion, coneho y nan operador escohi.

Tin dos grupo den competencia pa gana e refineria di cual dos di e gruponan su dirigentenan tin lasonan fuerte cu Venezuela.

Si logra; tin mester 2000 trahador!

Si encaso logra un desicion pa un operador nobo, esey lo nifica cu mester bay over na restaura y renoba e refineria pa cual mester 2000 trahador di region, Caribe y Venezuela pa bay haci e trabao di pone e refineria den condicion.

Cual te gruponan?

Di forma no oficial por compronde cu e mihor grupo cu tin actualmente ta Socap Corporation. Tambe tin algun grupo Venezolano.