CAFT no tin rason….
Segun acorda den protocol di 2018
Contrario na loke rapport di CAFT ta bisa, cu Gobierno no ta cumpliendo cu e nivel di gasto di personal, no ta berdad, pasobra Gobierno ta cumpliendo y ta dentro di margen di e personeelsnorm.
E protocol cera ta bisa cu e gasto di personal mester keda bao di 479 miyon florin.
No ta asina manera CAFT ta bisa, pasobra den nan mes rapport, por lesa cu Gobierno ta cumpliendo. Loke tin ta un protocol cera na November na 2018. Aki ta stipula cu e gastonan mester keda bao di 479 miyon florin, y Aruba ta bao di dje. Pa aworaki CAFT sali bisa, cu Gobierno no ta cumpli, ta imposibel.
Awor nan mes ta bini cu un norma nobo, nan ta dicidi, nan mes ta pone e norma y esaki no ta traha asina, Minister Maduro a bisa.
