Tur cos ta mustra cu Raymond Gradus presidente di CAFT a firma un carta yena cu triki y caraga cu mala fe, unda ta trece 13 punto dilanti, cu ta puntonan bieuw, cu ya a wordo traha y haya atencion.
Den carta di CAFT, nan ta laga mustra cu tin 13 punto cu Gobierno nunca a atende, cual no ta berdad. Por ehempel, den 2020 nan a pidi pa corta 60 miyon den AZV. No a logra corta 60 miyon, pero a logra corta casi 40 miyon. Esey CAFT no ta wak y no ta reconoce.
Tambe e personeelsnorm, CAFT ta twist e suma, asabienda cu nan sa masha bon cu e 12.6% tabata un desicion temporario. Pues nan no por tuma e nivel di gastonan di personal di 2020, pa hasiele permanente.
Tur esaki ta indica na nos cu sea ta Gradus of su secretaria ta parce poco mucha chikito, terco, y no kier compronde of biba den realidad.
Te tipo di trikinan aki CAFT kier hisa benta, kisas pa pinta Gobierno malo, pero lubidando cu nan mes ta cay den nan trampa, pasobra no ta forma pa deal cu situacion di un pais.
Tardi of tempran nan mester corigi nan mes of nan lo wordo corigi sea como sea
