Diamars den careda di 10’or y cuarto di mainta a sosode un accidente na Turibana, na altura di e Panaderia. Un pickup a bay lora, net na momento cu un scooter tabata biniendo.
E manehador di e scooter no por a controla su velocidad mas y a dal contra e porta di e pickup blauw. E manehador di e scooter a keda herida y tabata tin varios rasca na su curpa.
Mesora a pidi pa presencia di polis y ambulance, un patruya di polis di Noord a yega prome y despues polis di trafico a yega pa sigui atende cu e accident. Paramediconan di ambulance a trata e victima na e sitio y despues a transport’e pa hospital.
