Dia 4 di October proximo, “Busje komt zo”, Leoncita Arends mester presenta den corte pa asina rindi cuenta na su envolvimiento di haya y bende tereno di pueblo.
Ainda ta fresco den nos memoria, con Leoncita Arends pa hopi aña a lastra tur hende na Aruba, cu e unico meta pa yega na poder hunto cu su partido AVP.
Una bes cu nan a logra nan meta pa yega na poder, e konkelmento y sjoemel a cuminza cu tereno di pueblo unda cu nan un forma structural, Leoncita tabata move henter e oficina di Benny, pa fix e un tereno tras di otro.
Nan tabata pidi tereno, haya un firma di Benny, y djey bende compania pa miyones di dollars.
Tur esaki a bira conoci ora cu su e-mail nan a lek y a cuminza wordo publica den medionan local.
Den cada e-mail por a lesa ken berdaderamente ta Leoncita: Un lamchi di Dios na radio, pero un diabel tras di cortina.
Leoncita na dado momento tabata toca tur dia Busje Komt Zo pa su contricantenan. Awor pronto su Busje a yega. Busje Komt Zo! Dia 4 di October, tanto Leoncita y tur e empleadoan di Benny su ex oficina lo mester rindi cuenta con nan tabata konkel cu tereno di pueblo.
