Minister President Sra. Wever Croes:
Un comicion di varios departamentonan cu ta duna conseho na Gobierno a bisa cu no ta existi urgencia pa habri frontera cu Venezuela, debi na factor economico. Mientras cu e frontera tin 3 aña cera, mercado a conoce mercadonan nobo. Esaki Directie Economische Zaken a raporta den nan conseho. Aruba a descubri mercadonan nobo cu ta remplasa productonan di Venezuela. Ademas dor di dolarisacion na Venezuela, Venezuela no ta barata manera antes. Esaki ta e prome conlcucion di departamento di asunto economico, esta cu pa motibo economico, pa motibo haci negoshi, no ta un urgencia awor.
