Bosonan no tabata sa cu e Pueblo di Aruba ta hendenan Cristian y cu ta lanta nan yiunan den moralidad, den disciplina y den bida Cristian. Hombernan y muhernan Cristian ta casa pa lanta famianan manera mester ta. Bosonan no tabata sa cu hendenan Cristian ta stima Dios Su Palabranan den Bijbel pa haya sabiduria y bida eterno. Anto pakiko bosonan ta kere, cu Dios Tata a destrui e dos ciudadnan grandi di Sodoma y Gomorra y cu tur su habitantenan? Lesa den Bijbel Genesis 19: 1-23, pasobra e dos ciudadnan grandi di Sodoma y Gomorra tabata habita pa homosexualnan, lesbiananan , bisexualnan etc. Tur e hombernan di Sodoma incluyendo hobennan y ancianonan a rondona e cas di Lot y nan a bisa Lot: “Na unda e hombernan ta cu a jega bo cas anochi? Saka nan afo, pa nos tene relacion sexual cu nan. Y Lot a bisanan: “Mi ta roga boso, no comete tal maldad aki.” Anto Dios Tata a laga yobe azufre y candela riba e dos ciudadnan grandi aki, destruyendo tur su habitantenan. Tambe den Bijbel Dios ta bisa, Levitico 18: 22 : “Lo bo no tin relacion sexual cu un homber manera cu sa haci cu un muher, esey ta algo abominabel.” Den Bijbel Levitico 20: 13 : “E homber cu drumi cu un homber manera ta drumi cu un muher, nan dos ta comete actonan repugnante, nan dos lo muri y nan sanger lo cay ariba nan.” Den e di 9 Mandamento di Dios ta bisa: “Lo bo no comete e pika di fornicacion y lo bo no comete e pika di deshonesto.” Bosonan no tabata sa, cu tur e pikanan di inmoralidad y e pikanan di deshonesto aki, bosonan no por drenta den e Reino di Dios despues di morto, lesa den Bijbel 1 Corinthionan 6: 9 y 10. Pa motibo di e tentacion di e mal pasionnan deshonesto di satanas, hombernan a kita nan tradicion natural pa bira homosexual y muhernan a cambia nan tradicion natural pa bira lesbiana etc. Comprende bon, cu hende no ta nace ladron, e no ta nace criminal, e no ta nace drogadicto, e no ta nace homosexual, e no ta nace lesbiana etc. Pesey, akinan no ta trata di descriminacion, akinan no ta trata di derechonan humano, akinan no ta trata di union civil, akinan no ta trata di igualdad etc. Pero akinan ta trata cu e Palabranan di Dios mester wordo respeta y Dios Su Mandamentonan mester wordo cumpli y obedece. Awor, si e hendenan di mundo mes ta aproba inmoralidad di pika y e gobiernonan di mundo ta reconoce e matrimonio di mesun sexo, anto ta con bosonan tambe por sigi tras di esnan ciego di mundo, pa pone hendenan y bosonan mes cay den e abismo di perdicion? Anto ta ki ehempel esey ta pa e Pueblo y ta ki ehempel esey ta den bista di Dios Tata? Comprende bon, cu e Pueblo Cristian ta hendenan cu ta obedece Dios Su Palabranan y Su Mandamentonan, pa un dia nan por drenta den e Gloria Eterna. Pesey hendenan Cristian, nan no ta sigi tras di esnan desvia pa satanas. Anto pakiko bosonan no a bai na e pastoornan, pa bosonan por haya consehonan spiritual di Dios.
Un mensahero di Dios.
