Integridad di hospital atacha dor di su propio medio di prensa riba payroll
Diahuebs merdia, un medio di prensa cu ta traha directamente pa hospital y ta riba payroll di hospital, ( manera un vocero di hospital) a bisa cu e resultado di autopsia a keda cla y cu Elida Artega su causa di morto ta suicidio.
Algun rato despues Bondia Aruba a informa cu segun otro vocero di Hospital, cu no tin resultado ainda ni tampoco resultado preliminar.
SOLO DI PUEBLO a haci investigacion mas profundo y nos fuentenan ta bisa cu enberdad tin un prome resultado cu ta indica suicidio. E hecho cu un medio di prensa riba payroll di hospital a lek e informe aki, a atacha e integridad di hospital. Pasobra ta supone cu e caso aki ta un secrecia cu na promer lugar mester a informa e famia y no laga e famia lese riba e medio di prensa cu ta riba payroll di hospital y ta actua como vocero di hospital.
Cu otro palabra, maske cu hospital a desmenti e noticia, esey ta puro pa haci damage control y purba na limpia nan nomber, pero ya caba nan a keda atacha y nan integridad a keda seriamente herida.
Imaginabo cu te mes medio di comunicacion tin contract cu hopsital pa controla loke tur prensa ta skirbi y mester corta tur corant of screenshot tur comentario y manda pa ehecutivonan di hospital tur mainta tempran.
Nan mes awor, actuando como vocero di hospital, ta atacha e nomber y credibilidad di hospital y nos ta sigur cu nan lo haya un bonus tambe fin di aña, pasobra casi sigur ehecutivonan di hospital lo prolonga nan contract pa nan sigui cobra pa sigui lastra hospital. ONLY IN ARUBA!
Raad van Bestuur, boso ta lanta? Na soño?
Kico mester conclui? Mester conclui cu “aparentemente” tin un resultado preliminar cu a lek. Pa purba corigi e daño grandi aki, Hospital a bisa cu no tin resultado ainda.
E holoshi lo saca e berdad y danki dios cu e holoshi ta sigui cana y cu e berdad di autopsia lo sali pronto.
