Celebracion dia di Himno y Bandera ta un di e eventonan cultural mas grandi na Aruba. Centro Famia Piedra Plat ya ta conosi caba pa su cumindanan criollo traha na cas y su cosnan dushi, tambe bon música y bailenan folklorico.
E bandanan musical cu lo hasi presentacion ta: The Cunucu Boys, Sonrisa Musical, Maybeline Quartet, Cas di Musica Piedra Plat, Cah’i orgel y mucho mas.
E programa ta cuminsa 10:00AM cantando e himno nacional di Aruba, y directamente despues e vlooienmarkt ta habri y por dal un bon desayuno cu un dushi coffee di The Aroma Cup.
Pa e muchanan tin un speeltuin y tambe nan por hasi facepainting. Henter pueblo di Aruba ta keda invita pa bin pasa un dia agradable den un dushi ambiente di famia na Piedra Plat 50. (Net banda di Compleho Deportivo Franklyn Bareño)
Full actividad aki ta un Fundraising Event pa recauda fondo pa cumpra materialnan cu Fundacion tin mester pa sigui draai e projecto Oansa y ‘’CEC’’ cu ta un after school program pa muchanan di voortgezet onderwijs y basisschool.
Bin celebra nos dia nacional y alaves contrubi na un bon desaroya di nos muchanan.
