Palm Beach: Diamars algo pasa di 4’or di atardi, ta drenta un informe cu un homber lo a haya problem den e lama dilanti di Holiday Inn Beach Resort. Aparentemente lo tabata trata de un homber turista, cu tabata malo y cu ayera lo a sali for di hospital y lo ta hospedando na Holiday Inn.
Mesora a bati alarm Polis y ambulance a bay na e site, dos unidades de ambulance a presenta hopi lihe na Holiday Inn, despues di basta rato cu e paramediconan tabata dunando e homber CPR, a bin result cu e homber aki a fayece. E paramediconan a tapa e curpa sin bida ya pidi pa dokter bin constata morto.
Mesora a pidi pa slachtofferhulp bin atende cu e famia, mientras tabata warda riba yegada di dokter. Esaki ta di dos turista cu awe a perdenan bida den e lama di Aruba. Den oranan mas trempan di merdia un homber turista a hoga caba na Arashi.
