Diahuebs merdia a sali e noticia cu Kustwach Mericano a descubri restonan di loke ta parce e submarino Titan. Aglun rato despues den un rueda di prensa, nan a confirma cu e restonan ta di Titan. Nan a hayele algun mil pia leuw di Titatanic, cual ta masha normal, pasobra ora bo baha bay abao, bo lo busca pa yega na un sitio leuw di Titanic, pa despues cuminza move direccion di e barco.
Den e caso aki, mester bisa cu e submarino a implota (no explota) y esaki ta debi na pression di bao awa y lo minimo di fayonan cu por a presenta den e body di e submarino.
Cu tur probablidad durante e implode aki, e personanan lo a fayece alinstante. Tin duda tambe cu lo por haya nan curpa.
E doño di Submarino Titan tambe tabta den e submarino. E compania ta yama Ocean Gate. E persona aki ta gelink na e storia di Titanic, desde cu su esposa su antepasadonan a fayece den Titanic.
Tabata un submarino cu no tabata certifica, pero dor cu e lo baha den awa nan international, e por a bypass cualke control di paisnan. Tabatin varios advertencia pa e submarino aki, pero e doño a persisti cu e submarino ta esun di mas safe, y traha cu instrumentonan moderno.
