Den un fiesta Latina na Curaçao Airport Venue diasabra anochi a sosde un situacion inespera cu a hera di sali for di man.
Durante presentacion di cantante yiu di Corsow Ephrem J, un fanatico (fastioso) a muh’e cu awa. E artista a rabia te perde cabes y a overreact y saca su microphono cu tur su forsa manda riba su fanatico den pleno show.
Esaki a produci un avalancha di reaccion sweet & sour.
Realmente bo lo no spera un actitud asina di un artista y ta mustra cu Ephrem J tin problema di controla su emocion. Tabatin mil y un otro forma pa deal cu e situacion.
E organisadornan tambe ta laga di desea dor di no pone seguridad na stage pa cuida e artistanan.
Actonan asina por a termina e concierto den pelea formal y hasta kisas mas peor.
Pa 6or di atardi a circula e comunicado aki:
![](https://scontent-cdg4-3.xx.fbcdn.net/v/t39.30808-6/372021094_767447408517235_8315804176568488236_n.jpg?_nc_cat=104&ccb=1-7&_nc_sid=3fb9c2&_nc_ohc=irStc53iiJ4AX9o0VfH&_nc_ht=scontent-cdg4-3.xx&oh=00_AfD34N-6CMHdEMK5FRWDDya76cv8Iaycgwn38dVWtSe0VQ&oe=64FA0D18)
KOMUNIKADO OFISIAL!!! Lamentabel mal komportashon durante presentashon di Ephrem J Kòrsou. Durante pleno presentashon di Ephrem J na e Festival Latino na Hato Venue ayera nochi, un tipo ku un ratu promé ya a keda atvertí pa manda bòter, èis riba dj i musiko nan preparando pa presenta, a bolbe aserká esenario i tira algun opheto riba e artista i por ultimo bòter di awa mientras esaki tabata kanta. E aktuashon nan aki di falta di rèspèt, i no a keda atende mesora pa seguridat …ku a pone e artista sali for di su kueru. Mesora, e públiko a reakshoná yuda e artista i saka e hòmber ku tabata bou di su awa pafó. Polisnan ku a akudí a sa di aktua i aresta e hòmber, paso e la sigui resistí su ekspulshon di e konsierto. Ephrem J a sigi ku su presentashon ku a konta ku gran apoydi e públiko presente. Ephrem J , su representante nan i miembronan di e banda ta lamentá e tipo di komportashonnan aki di suhetonan ku no ta respetá artistanan riba esenario.