Riba diasabra 9 di december, e concierto di Romeo Santos na Harbour Arena na Oranjestad, Aruba no a cumpli cu e expectativanan di e fanaticonan. Mientras e anochi tabata avansa, e publico a nota problema y tardansa, generando un malcontento general.
Aparentemente, parti di e equipo di sonido y personal clave a keda pega na Peru pa motibo di retraso den e vuelo. Mientras tanto, e artista local Jeon a briya den su presentacion, ganando reconocimento di publico pa su super actuacion.
Pa 1:30 di mainta, e equipo di Santos a yega finalmente for di Peru, y ainda tabata falta pa sali di airport pa bay na sitio di evento. No tabata te 4:15 di mainta cu e artista por a cuminsa su presentacion.
Bao frustracion algun persona a bandona e sitio decepciona. Otro, cu a cumpra token pa e bar, a haña nan sorpresa cu e bar a sera prome cu nan por a hasi uso di nan.
E evento miyonario unda e artista so a cobra 1.3 miyon dollar a resulta un decepcion general. Riba rednan social, Aruba a expresa su malcontento, mientras cu algun locutor a inicia un defensa contra e criticonan, defendiendo e artista.
E situacion desafortuna aki ta laga un sabor amargo entre fanaticonan di Romeo Santos na Aruba, kende tabata spera di disfruta di un show inolvidabel pero a wordo afecta pa problemanan logistico cu a promotornan a experiencia.
