Exactamente 69 aña pasa, riba 15 di december 1954, Reina Juliana a firma e Statuut pa Reino di Hulanda. E Statuut ta regla e relacionnan entre e paisnan den Reino. Un momento importante, pa Hulanda, pa Aruba y pa e otro partinan di Reino di Hulanda. Riba Dia di Reino nos ta para keto na e evento aki. Pa conmemora Dia di Reino, Gobernador Boekhoudt y Gobernador interino Vrolijk a invita tur ex-Gobernador y ex-Gobernador interino di Aruba cu ainda ta na bida pa Cas Ceremonial di Gobernador. Riba e prome potret bo ta mira di robez pa drechi: • Ex-Gobernador Sr. Fredis Refunjol • Ex-Gobernador Sr. Olindo Koolman • Ex-Gobernador interino Sra. Ella Tromp-Yarzagaray • Ex-Gobernador interino Sra. Yvonne Lacle-Dirksz • Gobernador S.E. Alfonso Boekhoudt • Gobernador interino S.E. Agustin Vrolijk” Potretnan: © Kabinet Gouverneur
