For di dia 15 te cu 19 di april, profesionalnan di Departamento di Salud Publico Aruba (seccionnan epidemiologia, maneho den salud y promocion di salud) a atende un workshop di Pan American Health Organization (PAHO) na Washington DC. Na e workshop, e profesionalnan di DVG a duna presentacion di e resultadonan di e encuesta STEPS 2023; y tambe a presenta tur programa y intervencion den prevencion di mal…esanan cronico cu actualmente ta wordo realisa pa diferente organizacion na Aruba. PAHO a keda impresiona cu e maneho di Salud Publico na Aruba y con motiva y enfoca ta traha hunto cu su colaboradonan pa preveni, educa y promociona salud den diferente nivel. PAHO a ofrece diferente sesion na unda expertonan den diferente area, p.e. tabaco, a presenta estudionan haci den nos region, caminda tin programanan cu potencial pa explora na Aruba. Awo, Departamento di Salud Publico, tin e tarea pa finalisa e reporte y analisis di e data di e encuesta haci conhunto cu PAHO y CBS Aruba, pa un presentacion oficial di e resultado cu lo wordo haci na Aruba den luna di mei den e sector di salud. Algun dato cu sigur a impacta ta e resultado di cifra pa loke ta referi obesidad, cual ta representa un reto significativo pa salud y bienestar di Aruba su poblacion. Sinembargo, cu esfuersonan conhunto y accion colectivo, esaki ta un reto cu lo por ser supera. Departamento di Salud Publico lo ta trahando duro den e ultimo fase di e reporte di STEPS 2023 y ta spera cu e conocemento adkiri por yuda nos comunidad y nos profesionalnan den area di salud, pa implementa strategianan comprensivo cu ta trata e causanan fundamental di obesidad y ta duna poder na individuonan pa tuma decisionnan pa un bida mas saludabel.
𝐃𝐞𝐩𝐚𝐫𝐭𝐚𝐦𝐞𝐧𝐭𝐨 𝐝𝐢 𝐒𝐚𝐥𝐮𝐝 𝐏𝐮𝐛𝐥𝐢𝐜𝐨 𝐜𝐮 𝐰𝐨𝐫𝐤𝐬𝐡𝐨𝐩 𝐢𝐧𝐭𝐞𝐧𝐬𝐢𝐯𝐨 𝐧𝐚 𝐏𝐀𝐇𝐎 𝐖𝐚𝐬𝐡…
Directie Volksgezondheid DVG ARUBA Page / by Directie Volksgezondheid DVG ARUBA / Apr 28, 2024 at 10:37 AM
𝐃𝐞𝐩𝐚𝐫𝐭𝐚𝐦𝐞𝐧𝐭𝐨 𝐝𝐢 𝐒𝐚𝐥𝐮𝐝 𝐏𝐮𝐛𝐥𝐢𝐜𝐨 𝐜𝐮 𝐰𝐨𝐫𝐤𝐬𝐡𝐨𝐩 𝐢𝐧𝐭𝐞𝐧𝐬𝐢𝐯𝐨 𝐧𝐚 𝐏𝐀𝐇𝐎 𝐖𝐚𝐬𝐡𝐢𝐧𝐠𝐭𝐨𝐧 𝐃𝐂 For di dia 15 te cu 19 di april, profesionalnan di Departamento di Salud Publico Aruba (seccionnan epidemiologia, maneho den salud y promocion di salud) a atende un workshop di Pan American Health Organization (PAHO) na Washington DC. Na e workshop, e profesionalnan di DVG a duna presentacion di e resultadonan di e encuesta STEPS 2023; y tambe a presenta tur programa y intervencion den prevencion di mal…esanan cronico cu actualmente ta wordo realisa pa diferente organizacion na Aruba. PAHO a keda impresiona cu e maneho di Salud Publico na Aruba y con motiva y enfoca ta traha hunto cu su colaboradonan pa preveni, educa y promociona salud den diferente nivel. PAHO a ofrece diferente sesion na unda expertonan den diferente area, p.e. tabaco, a presenta estudionan haci den nos region, caminda tin programanan cu potencial pa explora na Aruba. Awo, Departamento di Salud Publico, tin e tarea pa finalisa e reporte y analisis di e data di e encuesta haci conhunto cu PAHO y CBS Aruba, pa un presentacion oficial di e resultado cu lo wordo haci na Aruba den luna di mei den e sector di salud. Algun dato cu sigur a impacta ta e resultado di cifra pa loke ta referi obesidad, cual ta representa un reto significativo pa salud y bienestar di Aruba su poblacion. Sinembargo, cu esfuersonan conhunto y accion colectivo, esaki ta un reto cu lo por ser supera. Departamento di Salud Publico lo ta trahando duro den e ultimo fase di e reporte di STEPS 2023 y ta spera cu e conocemento adkiri por yuda nos comunidad y nos profesionalnan den area di salud, pa implementa strategianan comprensivo cu ta trata e causanan fundamental di obesidad y ta duna poder na individuonan pa tuma decisionnan pa un bida mas saludabel.
