Tin hopi imitacion ta bay rond den mundo, prenda falso, marca falso, hende falso, noticia falso,idolatria, trocemento di berdad, profeta falso,lenga mentiroso,pero e berdad di Dios nunca por wordo venci.
Dios ta odia un lenga mentiroso ( Proverbionan 6:17), pesey no laga ningun hende gaña boso, mentira ta barata pero su daño ta enorme. Pasobra un mentira,cu a tuma lugar den paraiso, a cambia bida di ser humano te awe.
Tin hende ta forma nan bida riba mentira, nan ta rechasa e berdad den tur manera, y despues ta bisa cu ta hende a gaña nan.
Lipnan mentiroso ta un abominacion pa Señor, ma esnan cu ta trata cu fieldad ta su delicia.( Proverbionan 12;22).
Un mentira por ta bieuw, y por ripiti cada momento, pero berdad semper lo alcance y lo cancela su efecto.
Tristo ta y ta para scirbi kico lo pasa ora hende prefera mentira riba e berdad:
Y ta perece pasobra nan no a acepta e amor pa e berdad,pa nan por wordo salba.
Pa e motibo aki,Dios lo manda riba nan un influencia di error,pa nan kere mentira,pa nan por wordo husga,kendenan no a kere e berdad, ma a hiba gusto den e maldad.( 2 Thesalonisensenan2:9-13).
E Plan di salbacion di Dios cu ta scirbi den Juan 3:16-18 ta e gran berdad, pero tambe e ta bisa den Juan 3:19-20 cu esaki ta e condenacion, cu e lus a bini den mundo, y hende tabata stima e scuridad, mas cu e lus,pasobra nan hechonan tabata malo.
Pasobra esun cu ta haci maldad ta odia e lus, y no ta bini na e lus, pa su hechonan no wordo exponi.
Y aunke ta para scirbi den Juan 3:36 : Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios lo keda riba dje. Toch hende ta keda haci nan curason duro contra e Palabra di Dios.
Den Romanonan 1: 28-32 ta para scirbi un gran advertencia: Y mescos cu nan no a haña ta necesario mas pa reconoce Dios, Dios a entrega nan na un mente perverso, pa haci cosnan cu no ta cumbini.
Y den tur esaki te ainda hende ta kere den mentira, biba den mentira, legalisa mentira den nan bida, pa asina nan keda mara na scuridad, pero e palabra di Dios tin poder pa ranca hende for di den gara di satanas. Libra nan for di mentira di scuridad y trece nan riba e caminda di berdad, cual solamente Cristo Hesus por ofrece.
Cristo Hesus ta e unico caminda di berdad y e bida, ningun hende no por yega serca e Tata sino ta pa medio di e Yiu.
Nos ta bibando di berdad den un tempo trabahoso, caminda mentira diabolico bieuw keto bay tin forsa riba hende, cu no kier resisti e maldad pero di berdad kier permanece den scuridad.
Ay di esnan cu ta yama loke ta malo , bon, y loke ta bon malo,loke ta scuridad lus, y loke ta lus scuridad,loke ta marga, dushi,y loke ta dushi, marga.( Isaias 5:20).
No laga ningun hende gaña boso cu palabra nan vano, pasobra pa motibo di e cosnan aki e furia di Dios ta bin riba e yuinan di desobedencia,pesey no sea participante hunto cu nan.( Efesionan 5:6-7),
Pesey laga nos fiha nos bista riba Cristo Hesus, nos Salbador, y nos unico speransa berdadero,Esun cu tin tur cos den su man, den dj’E nos tin tur berdad.
Nos unico y berdadero speransa ta den Cristo Hesus.
Sinceramente, Pastor Marcel Balootje
