ORANJESTAD – Mike Eman, lider di AVP, ta trahando duro pa busca tur manera pa usa e surplus financiero cu e mes a critica den pasado, pa prepara su posibel gobernacion cu Futuro.
Den tempo cu MEP a spaar placa pa logra surplus, Eman tabata constantemente ataca e partido, acusando nan di hiba e maneho di presupuesto iresponsabel i cuestionando e manera cu a logra e surplus. Pero awor cu cambio di gobierno ta acerca, ta parse cu Eman mes ta interesa den e mesun fondo cu anteriormente el’a critica.
Eman a enfatiza cu e surplus actual mester wordo usa na otro forma realocando e fondonan. El’a presenta un cantidad di cambio.
Su postura ta hipocrita. “Si e surplus tabata un ilusion financiero, con awor e mesun fondo ta sufisiente pa sostene su ideanan pa su gobernacion?” un analista politico a comenta.
Di otrobanda, esaki ta confirma cu e critica di Eman den pasado tabata simplemente un strategia politico. Mientrastanto, pueblo ta pendiente pa mira si e fondo di surplus cu tanto polemica a trece lo wordo usa pa beneficio di Aruba, of si lo ta wordo usa solamente pa reforza ambicion politico of lo wordo usa pa faborece su partido.
Den pasado, Gobierno di MEP a laga 980 miyon den caha, y ora Eman a yega, el’a cambia uso di fondonan, bin cu tram, y ademas a bay 2000.000.000 ( dos mil miyon) den rood.
Mike Eman na 2014 a haya un KB di Hulanda pa a traha presupuesto irealistico. E mester a cambia e presupuesto y tambe e mester a accepta control di CFT.
Tur su presupuestonan desde aña 2009 a keda cu defecit, den rood, cada aña alrededor di 400 miyon.
