Desde e eleccion di 6 di december 2024 te dia di awe, ( 3 luna y 4 dia) hopi tempo a pasa sin cu partidonan escogi a forma un gobierno nobo. Aun no tin claridad ni noticia concreto riba e proceso, i esaki ta lanta hopi speculacion, precupacion i nerviosismo, mas tanto den e partido berde y roos. Rason prinsipal? Problemanan den screening di algun di e candidatonan pa ministro.
Problemanan den screening
Segun informacion cu nos a haya ta bisa cu e resultado di screening pa algun candidatonan pa minister no tabata favorabel. Pa por logra un resultado positivo, actualmente nan ta trata di contra-aresta e ponencianan negativo, pero e proceso ta tardando e formacion di gobierno.
E ley nobo di screening ta mas rigoroso cu antes. E aspirantenan pa ministro mester pasa un test psicologico, test di salud, i otro evaluacionnan cu ta inclui analisis di famia y amigonan, como tambe belasting i historia financiero. Esaki ta asegura un gobierno cu ta goberna den manera integro, pero tambe ta resulta den un proceso largo pa forma gabinete.
Consequensianan di e tardansa
Debi na e atraso, e gobierno anterior ta sigui gobernando, pero sin por tuma decisionnan grandi. Nan por unicamente sigui cu decisionnan administrativo normal, loke ta lagando Aruba den un situacion di inestabilidad gubernamental. Si e proseso di screening i negociacionnan pa forma gabinete no wordo resolvi lihe, e situacion por bira mas complica, cu mas impacto riba maneho di pais.
Redflag
Informe no oficial ta mustra cu hopi candidato a redflag, pa un motibo of otro. No kemen cu nan no lo por bira minister, pero kemen cu nan tin cu bay haci nan cura limpi, paga belasting, disatancia di nan negoshi, hasi promesa pa futuro.
Por ehempel, Arhtur Dowers den pasado a duna su propio casa trabao como abogado. Mas leuw, el’a duna permiso na un compania priva pa tuma trabao di polis ora di acciddent, y na mes momento e compania a bay huur edificio for di pareha Dowers nan oficina.
Asina tin mas redflags, cu mester wordo atendi. Mas leuw por compronde cu tin por lo menos un minister cu su caso ta mucho mas delicado.
Te cu awe, oficina di formador ni gobernador a duna informacion di esaki, pero pa dia 13 di Maart venidero, pueblo mester haya informe oficial.
