Parlamentario Hulandes Sr. Andre Bosman a hiba palabra den reunion di comicion di asuntonan di Reino cu a tuma lugar dia 1 di juli 2020. Un di su puntonan cu el’a critica fuertemente na Corsou ta e hecho cu noticianan a yega cu e directornan di varios ‘nv’ lo no bay entrega nada, pasobra nan lo keda cobra nan salario completo pa minimo un aña mas.
Esaki Andre Bosman ta rechasa categoricamente! No por ta asina cu e empleadonan cu ta recoge sushi mester entrega, mientras esnan cu ta gana 1 miyon pa aña y ta keda cobra nan 1 miyon pa un of dos aña mas.
El’a mustra un publicacion unda ta mustra e contract di e directornan cu ta bisa: maximal salaris, overgangsregeling, den artikel 4, unda nan por keda cobra nan salario.
Director di UTS 1.1 miyon pa anja, Director di SVB 1.1 miyon pa anja, director di Curoil 800.000 pa anja, Director di Post 750.000 pa anja, Director di Centrale Bank 1.000.000 pa anja.
Andre Bosman ta puntra dicon no ta bay atende cu e situacion aki di e ‘nv’ nan aki ? No por ta asina cu tur hende tin cu entrega y e directornan aki ta keda cobra.
