Parlamentario Endy Croes: Man drechi di Gerlien a leak informacion den weekend
Parlamentario Endy Croes a divulga cu hendenan serca di Gerlien a leak infomacion. Den un combersacion durante e weekend largo aki a topa un man drechi di Gerlien Croes den un ambiente y inesperadamente por a ricibi varios informacion valioso. Man drechi di Gerlien Croes a basha abou riba Mike de Meza formalmente y asina a logra adkeri informacionnan nobo sin cu a puntra. Kiko ta e intension? Time will tell!
Mike de Meza debe 2 miyon florin na belasting
Segun e man drechi di Gerlien Croes aparentemente e tin informacion nobo cu mas presicion di e desaroyo. E man drechi a sigui divulga alrespecto e screening di Mike de Meza. El’a sigui splica cu Mike de Meza y su esposa tin un debe di 2 miyon florin na belasting hunto. No a hibe ni trese pero solamente a keda scucha cu hopi atencion. Aparentemente Mike de Meza lo a bende su compania hopi anja pasa pa un suma hopi grandi (algun miyon), pero nunca a declara esaki na belasting y awor esakinan a bin ariba. Alabes Mike de Meza “aparentemente” no a ni entrega papelnan di belasting pa lokual ta trata e aña cu e benta miyonario a tuma lugar y te cu awe e NO por prueba na belasting kantoor un documento unda cu el a entrega su aangifte di e anja specifico aki. Pues ta hopi cla cu Mike de Meza muy posiblemente a onduik belasting y awor e batata cayente ta stobando. Cu e splikacion di e man drechi di Gerlien Croes aki ta hopi cla cu ni cuanto Mike de Meza bringa e no lo por bira Minister. Ta un berguensa nacional pa un ex minister di financien di AVP di pais Aruba actua di e forma aki. Ki ehempel Bo por ta pa pueblo? Bo no ta integro. Bo no por ta un sirbidor di e pais aki dado caso e man drechi di Gerlien Croes su informacion ta cu exactitud. Nos sa cu e ley di screening ta prohibi pa duna informacion alrespecto screening y pesey ta masha tiki persona mag di ricibi e informacionnan di screening.
Esnan altante ta e dos Formadornan esta Mike Eman y Gerlien Croes, e candidato pa minister esta Mike de Meza y tambe Gobernador. Pues ta depende di e Formadornan na kendenan nan kier leak cierto informacion y kiko ta e meta tras di leak e informacionnan aki. Un cos ta sigur cu e righthand di Gerlien Croes a papia cu hopi firmesa manera cu e ta hopi bon informa. Algo cu nos no por confirma ta cuanto informacion Gerlien aparentemente a pasa pa su man drechi pa e conta nos asina detaya. Nos lo keda monitoria e situacion di e candidato di AVP Mike de Meza y su proceso di screening y lo keda informa pueblo. Halo Mike Eman come in!!!
