Dialuna anochi algo prome cu 11’or polis a bay ariba e caminda principal di Hooiberg pa Santa Cruz, pa un auto cu a bolter.
Polis di Santa Cruz cu a yega ta topa pazuid di caminda, ariba un tereno habri un Toyota Yaris. Por a mira cu pa un of otro motibo e auto a subi e tereno y ranca meter di awa causando cu basta awa tawata bay halto.
Ambulance tawata necesario pa un dama cu a resulta herida. Paramediconan cu a presenta a opta pa hiba e dama Hospitaal pa dokter por haci control mas extenso.
WEB tambe a wordo poni na altura y a presenta pa regla e meter di awa cu a wordo kibra.
