Den e articulo final aki, nos ta descubri e briyantenan cientifico cu Uzbekistan a duna mundo, cu nan inventonan cu a cambia e curso di historia. Tambe, nos ta explora e paisahenan natural impresionante cu e pais aki ta ofrece y ta termina cu un bista di su cultura caluroso y autentico, cu ta haci Uzbekistan un experiencia inolvidabel pa tur bishitante.
Uzbekistan a produci tambe numeroso figura historico cu a contribui na forma mundo. Un di e figuranan historico aki ta Al-Khwarizmi. El a nace den e region di Khorezm, Uzbekistan, y a cambia mundo cu su inventonan, manera algoritmo y algebra. Awe, tur aparato, di smartphone pa computer, ta funciona cu algoritmo. Ademas, algebra, e materia cu el a funda, ta wordo instrui mundialmente. El a inventa tamben e cifra 0, cu a cambia e forma cu nos ta conta y calcula. Otro figura historico conoci ta Ibn Sina. El a nace den e ciudad di Bukhara, Uzbekistan, y a contribui na e desaroyo di e mundo medico. Biruni, un historiado y geografo famoso, a crea e prome globo mundial den Centro di Asia y a skirbi cu tabatin un continente tras di e ocean. El a “descubri” America 5 siglo prome cu Columbus. Tin hopi mas cientifico y figura historico famoso naci na Uzbekistan cu a contribui n’e desaroyo di e mundo den cual nos ta biba awe.
Uzbekistan ta tambe un destino grandi pa amantenan di naturalesa. E desierto di Kyzyl-Kum, cu ta cubri un gran parti di Uzbekistan, t’e hogar di un flora y fauna unico. Bishitantenan hopi biaha ta campa y keda den drumi den e desierto aki. Uzbekistan ta alberga tamben varios cadena di sero, manera e Tian Shan y Chatkal. E areanan montañoso aki ta ofrece paisahenan impresionante p’e amantenan di naturalesa. E Lago Aral ta tambe un area cu turistanan ta gusta bishita. E Lago Aral, un biaha e di cuater lago mas grandi na mundo, a perde mas di 90% di su superficie y awo ta un di e problemananan ambiental mas grandi na mundo.
A papia di Uzbekistan, ta importante pa menciona cu Uzbekistan tin un di e culturanan mas autentico na mundo. Di cuminda dushi pa trahe colorido, e cultura Uzbek ta conoci pa su hospitalidad caluroso.
Finalisando, ta importante pa menciona cu door di establece partnership nobo, sea den comercio, turismo of educacion, ambos pais (Aruba y Uzbekistan) por habri un capitulo nobo den nan relacion, fomentando asina intercambio cultural y un comprension mas profundo entre nan.
Fuente: Adkhamjon Janobiddinov (adkhamcollege@gmail.com)
