Tin diferente tipo di “verklaring van fiscaal gedrag”
Si un hende tin mester di un “verklaring van fiscaal gedrag”, e mester menciona e motibo pa cual e ta solicita esaki.
Dependiendo di e motibo, e ta haya un declaracion specifica pa e motibo.
Por ehempel:
– awendia banco por pidi bo un declaracion asina; si bo no debe nada, bo ta haya e declaracion, maske ta siman pasa bo a paga tur cos
– si bo kier traha como contratista pa gobierno, tambe ta mescos: DIMP ta check si bo debe algo, si bo no debe, bo ta haya e declaracion
– si bo ta pidi un declaracion pasobra Banco Central ta pidi un declaracion asina, por ehempek si bo ta bai bira director di un banco, e ora DIMP ta bai poco mas en extenso pa duna Banco Central mas informacion
– si ta OM ta pidi e declaracion, DIMP ta menciona aun mas informacion cu ta relevante pa e investigacion di OM
– si bo ta pidie pa bira minister, ley di screening ta impone riba DIMP e obligacion pa duna un declaracion aun mas extenso.
Esaki tabata e maneho di DIMP di basta tempo caba.
DIMP a splica hues cu tur hende cu hasi peticion ta haya mesun trato.
Loke a resalta durante tratamento di e caso ta cu Mike de Mesa a pidi e “verklaring van fiscaal gedrag” pa por bira minister, pero e kier e “verklaring van fiscaal gedrag” cu banco ta pidi.
Cu su rason directora di DIMP a splica cu esey no por.
Si Mike de Mesa kier prueba cu e no debe belasting, e por pidi un rekening of debiteuren overzicht manera tur cuidadano por pidi.
Si Mike de Mesa kier bira minister, e overzicht ey no ta yude. Ley ta cla y raspa riba esey.
E pregunta cardinal ta: Dicon Eman a manda De Meza bay busca un otro sorto di verklaring ?
