E Tribunal a duna su decision dia 4 di juni 2025 tocante e apelacion presenta pa candidato pa minister De Meza contra un carta di e diretor di Departemento di Impuesto (DIMP).
Di kiko e caso ta trata?
Na Aruba, eleccion a tuma luga dia 6 di december 2024. E gobierno nobo ta forma cu minister di e partido Arubaanse Volkspartij (AVP) i Futuro. E gobierno lo ta forma cu siete minister. Seis di e siete ministernan ya a wordo nombra. De Meza ta candidato pa minister (di Energia, Infrastructura i Medioambiente) pero aun no a wordo propone pa wordo nombra debi na un declaracion no favorabel di e Directora di DIMP tocante su cumplimento pa cu belasting. De Meza a hasi obhecion contra e declaracion no faborabel i posteriormente a presenta apelacion contra un declaracion similar.
De Meza kier logra cu e caso den corte aki, cu e por haña un declaracion fiscal nobo y faborabem, pa e por mustra esey na e formador Eman, cu ta e prome minister actual. E speransa ta cu e formador lo propone De Meza na e gobernador pa su nombrcion i huramentacion como minister.
Decision di corte
E Tribunal a yega na conclucion cu no e no tin competensia pa hasi un decision riba e apelacion. Esey ta debi cu un apelacion por tuma luga solamente contra decision formal segun e Landsverordening administratieve rechtspraak (Lar). E cartanan di e Director di DIMP contra cua De Meza a haci obhecion i apelacion no ta clasifica como decision formal. E cartanan ta di caracter informativo y di hechos (facts) i no tin ningun consequencia legal. Tampoco ta dirigi na e consequencia legal cu De Meza por of no por bira minister. De Meza no ta haña loke ela pidi na e Tribunal, cu ta un ordo pa e Director di DIMP pa duna un declaracion fiscal favorabel.
Kiko De Meza por hasi?
De Meza por sigui cu otro caso den hogerberoep pa hasi apelacion contra e decision aki, of bay den e hogerberoep di corte di impuesto contra e impuestonan impone riba dje, i den e caso civil den un prosedimento kort geding of un prosedimento di bodem procedure. Pero esey ta tuma hopi tempo i e incertidumbre tocante e nominacion di De Meza no ta faborabem ni pa De Meza ni pa e Pais Aruba.
Ademas e resultado di prosedimento legal tocante e comportacion fiscal di De Meza ta keda sin claridad y den duda. E hues den un estado di derecho democratico mester ta prudente cu metemento den e proceso di nombracion di ministers.
Kiko ta e situacion awor?
No por spera cu e Directora di DIMP lo duna mas of otro informacion tocante e comportacion fiscal di De Meza cu ya ta disponibel.
Resumen: E Director di DIMP tin precupacion tocante e comportacion fiscal di De Meza den e pasado, spesificamente tocante e fayo cu De Meza a repitida ves no a entrega aangifte.
Ademas, e Directora di DIMP ta di opinion cu De Meza tin un obligacion moral i etico pa paga un debe fiscal pendiente, maske cu e debe aki ya no por wordo exigi legalmente debí na verjaring. Esei no ta bai den beneficio di De Meza.
Sinembargo, e Directora di DIMP tambe a declara a repetida ves tocante De Meza, su casa i 5 empresa, cu despues di e medidanan tuma den februari/maart/april 2025, awor ta un situacion den cual e obligacionnan i pago a wordo cumpli i no tin debe fiscal pendiente. Esey ta bai den beneficio di De Meza.
E bala ta den man di e formador
E formador tin na su disposicion e resultado di e investigacion fiscal segun articulo 5 di e Landsverordening Integriteit Ministers (LvIM), pero tambe e carta di 28 di april 2025, cu a wordo manda na e formador. Cu e informacion fiscal disponibel, e formador mester por tuma un decision definitivo tocante De Meza.
Ta ora pa e formador duna aplicacion na articulo 8 di e LvIM pa propone of no propone De Meza den un periodo corto.
Cu otro palabra: e bala ta den scochi di e formador.
