Diahuebs atardi 4:30 Filomena College MAVO na San Nicolas a anuncia e cantidad di graduado pa aña 2025.
Cu musica di Dj Eli acompaña pa e maestronan bisti cu uniforme di compania di aviacion, esta Filomena Airlines, e mc meneer Addonsito Croes a duna inicio n’e atardi.
Tawata ex-directeur Ebby Goedgedrag esun cu a duna tur presente palabranan di motivacion pa medio di su reflexion. Director Raquel Lampe a yama tur presente Bon Bini y a desea tur e studiantenan tur exito di mundo y pa esnan cu no a logra, pa nan no give-up como cu bida tin hopi oportunidad pa nos tur.
Cu 83% den prome tanda, Filomena College MAVO ta satisfecho y ta desea tur esnan cu tin cu bay pa tanda 2, hopi exito. Tawatin 69 candidato. Danki special ta bay na cada mayor, studiante y e team completo di e scol pa e esfuerzo y confiansa pa hopi aña caba. Danki Rex Aruba pa e cobertura y tur potret.
