Diasabra den oranan di atardi un compania di tour rond di isla a bati alarma, momento cu un dama turista a cay den un bahada cu un UTV.
Polis di Santa Cruz cu a yega mesora a nota cu mester di ambulance. Ambulance y un Rapidresponder a sali pa e sitio.
Poco pabou di e ruina di Bushiribana mester a bay over den e pickup pa yega na e sitio cu tawata hopi mas leu.
Polis di trafico tambe a yega na final.
Paramediconan mester a coordina con pa a lanta e dama for di ariba e barancanan, un posicion fastioso y cu cuidou cu ayudo di por lo menos 5 hende homber a trece ariba y pone den e pickup.
Un biaha mas por mira con otro turista a resulta herida, y mester bisa cu e señora a scapa algo cu por a resulta fatal mirando unda e la bay cay ariba barancanan.
E Rapidresponder poco poco mester a core bay te poco mas pabou di e ruina pa pone e señora den e ambulance y sali direccion Hospitaal.
