Pa Gracia boso a wordo salba,door di Fe,y esey no di boso mes, e ta e don di Dios.No como resultado di obranan, pa ni un hende no gaba.( Efesionan 2:8-9)
Ningun hende no a paga pe, ni ningun hende no por paga pe tampoco.
Hesus a entrega Su bida pa nos na crus, pa pordon di pica, pa asina nos por ricibi bida eterna den Cristo Hesus.
Pasobra Dios a stima mundo asina tanto cu E a duna Su yiu unigenito pa ken cu kere den dj’E no bay perdi ma tin bida eterna.( Juan 3:16).
Esun cu kere den e Yiu tin bida eterno,ma esun cu no obedece e Yiu, lo no mira bida,ma e furia di Dios ta keda riba dje.( Juan 3:36).
Tur locual nos kier logra den nos bida, nos mester haci esfuerso, pa yega na dje, pasobra nada no ta bini pornada, cu flohera ningun hende no ta yega ningun caminda, pasobra flohera ta amigo dii pobresa.
Esforsa bo mes y sea balente,
Sirbi Senjor cu anhelo di bo curason,
Cu goso y alegria,
Cu un curason fiel y firme,
Cu un curason dedica,
Pasobra ta cosnan grandi Dios a haci pa nos y cosnan mas grandi E ta bay haci pa nos.
Salbacion no ta barata, e a costa bida, di Hesus, Su sanger a wordo derama pa pordon di nos pica, ta imposibel pa ricibi Su salabacion y keda den mes un bida di cobardia, permanece den mes un bida di di pica, sin tene cuenta cu locual Cristo a haci pa nos.
Ora nos acepta Cristo Hesus como Senjor y Salbador,nos ta un criatura nobo den Cristo Hesus, tur cos bieu a pasa y a wordo haci nobo, esey ta nifica cu e bida bieuw , mester wordo reemplasa pa un bida nobo den Cristo Hesus.
Ya e cosnan di antes di e homber bieu no ta pertenece mas den nos bida, nos tin pone nos bista riba Cristo Hesus y no keda participa den cosnan di mundo y usa e excuus cu mi no ta perfecto, pasobra si un hende no esforsa su mes pa coopera cu Dios pa cambia su bida, e hende lo sali perdi, pasobra Dios a pone tur cos disponibel pa nos sali for di pica.
Pasobra ta para scirbi den Romanonan 6:12-14 bisando;Mescos boso tambe,considera boso mes morto pa pica, ma bibo pa Dios den Cristo Hesus.
Pesey no permiti pica reina den boso curpa mortal, asina cu boso mester obedece su pasionnan.
Y no sigi presenta e miembronan di boso curpa, na pica,como instrumento di inhusticia,ma presenta boso mes na Dios, como esnan bibo for di e mortonan, y boso miembronan como instrumento di husticia di Dios.
Pasobra pica lo no tin dominio riba boso,pasobra boso,no ta bao di ley, ma bao di gracia.
Awor cu nos sa esaki, e ta bira difcil pa sigi participa den pica boluntariamente,pasobra salbacion no ta barata,pesey nos mester haci tur esfuerso, pa cana den e caminda smal indica pa Dios, y aparta di e caminda hancho den cual diabel tin dominio.
Den Cristo Hesus, nos tin redencion pa medio di Su sanger, e pordon di nos picanan, segun e rikesa di Su gracia.( Efesionan 1:7).
Ma Dios ta demostra Su mes amor pa cu nos den esaki,cu tempo nos tabata pecador ainda, Cristo a muri pa nos. ( Romanonan 5:8).
Corda bon cu gracia , no ta libertinahe, pesey no bolbe bek na sclavitud di pica.
Cu , Fe y perserverancia,nos lo mira Cristo Hesus.
Sincermente, Pastor Marcel Balootje
