Durante tratamento di un ley na Parlamento cu ta toca exclusivamente e cartera di Turismo, e ley di TPEF, tabata hopi notabel cu Minister di Turismo, señor Wendrick Cicilia no a presenta su so. E tabata compaña pa e Minister di Finanza y na dado momento door di Mike Eman mes.
Un acto absurdo cu segun criticonan ta pone duda si Minister Cicilia por realmente actua riba su mes of si e ta core stage “Ta parce cu no tin confianza den su persona pa e defende un ley su so”. Ta kico e otro dos ministernan a bin haci? Tin mas di 700 pregunta sin contesta, no ta mihor cu nan a keda traha riba e parti aki?
E situacion aki ta trece hopi pregunta tocante e balansa real di poder den e gabinete y su ministernan. Esaki ta un señal di falta di confianza, of simplemente un show pa sostene un minister cu ta tambaleando?
Un cos ta sigur, pueblo merece transparencia y gobernacion serio. Loke a sosode awe ta muestra di hopi cos, menos liderasgo real.
