Durante periodo di campanja tanto Partido AVP como Partido Futuro a priminti pueblo cu durante e promer 100 dianan di nan gobernacion nan lo haci milager. Nan a haci e promesa na pueblo cu situacion lo cambia na Aruba y cu nan lo bolter cos. Awor cu 100 dia di gobernacion a yega nos por conclui cu nos pueblo a wordo enganja y nan a bolter cos pa peor!
Promesanan bashi, promesanan cu no a wordo cumpli y Aruba a bai atras rapidamenti.
Nan a priminti pueblo cu den 100 dia:
Pensionadonan lo haya 700 florin di aumento
Ningun hende lo mester paga mas pa remedinan
Nan lo pone solar panels na scolnan
Nan lo elimina airco geld
Nan lo mehora poder di compra
Nan lo baha prijsnan na Aruba
Frigidairenan na Aruba lo ta yen atrobe
Esaki ta algun di e promesanan cu a ser haci y esaki ta e exprectativa cu nan a crea. Awe nan ta rabia ora nos recorda nan riba loke a ser priminti pero no ta nos a bai campanja haciendo e promesanan aki pero ta nan a bisa pueblo cu den 100 dia cos lo bolter na Aruba.
E realidad
Awe lamentablemente, ,manera anticipa nos pueblo a wordo tuma haci, nos pueblo a wordo manipula y nos pueblo a wordo enganja pa e gobierno AVP sin Futuro!
Awe ni un gabinete nan NO por a forma ainda
Awe pensionadonan NO a haya aumento di 700 florin
Awe keto bai pueblo tin cu paga pa 92 remedi cu AZV cu un surplus di 106 miyon florin
Awe NINGUN scol a haya solar panel, minister Gerlien Croes a ganja tur hende
Awe airco geld NO a wordo elimina
Awe poder di compra a bai atras
Awe tur prijs na Aruba a subi
Awe nan a aumenta prijs di gas cu 35%
Awe nan a kita 20 miyon di FCCA pa construi casnan social y baha e prijs di huur
Awe nan a corta 3 miyon florin den ensejansa
Awe nan a kita transportgeld for di muchanan special
E gabinete aki di AVP sin Futuro a resulta un desapunta grandi, nan NO a logra nada den 100 dia di gobernacion, nan NO a cumpli cu NINGUN promesa haci, nan a malgasta y derocha hopi placa, viola tur regla do good corporate governance, hinca nan amigonan tur caminda y laga pueblo keda sufri cu prijsnan impagabel!
Un decepcion total pa pueblo!
