Diabierna den ora di marduga unidad di rescate di brandweer a sali direccion rotonde di Ponton unda a sosode un accidente serio.
Tawata den careda di 1’or di marduga, cu polis y ambulance a dirigi nan mes pa rotonde Ponton cu ta conecta cu WVB. Ey nan a bin topa un Chevrolet suv destrui panort di caminda.
Na stuur un cabayero bastante herida. Mirando rond tawata tin bastante bloki benta riba caminda. Ta sina cu e vehiculo aki tawata biniendo di zuid esta di ariba Caya Ernesto Petronia.
Yegando e rotonde y cu velocidad halto a dal contra esaki, pasa over y bay termina banda panort.
Algun persona a ripara cu e auto a cuminsa saca huma y a avisa brandweer.
Paramediconan a logra saca e chauffeur cu ta un hende homber y transporte pa Hospitaal.
A pidi specialista di trafico na e sitio.
