Diabierna madruga a drenta informe di un accidente pisa na rotonde Ponton na E.J. “Watty” Vos blvd. y e auto a pega na candela, mesora a dirigi tanto polis, ambulans y tambe bomberonan na e sitio. Na nan yegada polis a bin compronde cu pa un motibo of otro sea e chauffeur a bira malo pega soño of atencion otro caminda y ni a baha velocidad y no a ripara cu ela yega e rotonde Ponton y a sigui stret dal riba e muraya subi esaki crusa riba e rotonde y e caminda pa otro banda e bay dal un palo di lus. Segun testigonan a mira candela spart y auto a pega candela mesora a core busca awa den cercania y a purba di paga esaki. E chauffeur mes no tabata pega den e auto pero tabata inconciente. Na yegada di e ambulans nan a atende e victima y a transporte pa hospital. Bomberonan a kita e waya di bateria pa evita e auto bolbe pega na candela.
