Diadomingo madruga a drenta informe di un otro caso di bringamento cu hincamento na un otro club nocturno na Palm Beach banda di e hotelnan, mesora a dirigi tanto polis como ambulans na e sitio. Na yegada di e patruya a señala 2 sospechoso pero no tabata sigur cu nan lo tabata esunnan cu a hinca e victima pero asina mes a bay cu nan direccion di warda di polis na Shaba. Na yegada di e ambulans mesora a tuma e victima y a transporte pa hospital. Mientrastanto e hefe di recherche di distrito 2 (Shaba) tambe a presenta y a papia cu e victima kende a responde e recherche. Recherche tin e caso bao investigacion.
