Diahuebs atardi e noticia a sali cu tin varios maestro cu ta riba contract, cu no a cobra nan salario.
E motibo ta cu Minister Gerlien Croes a viaha pa varios dia largo y no a sinta pa fix e papelnan pa asina por renoba nan contract di 2025.
E minister no a gusta e critica y a manda tur su trahadornan bao bus. El’a tira culpa riba tur hende, menos su mes, cu tin ta caba 5 luna den Gobierno.
For di e 5 lunanan aki, el’a viaha mas di 30 dia.
Awor e kier punta dede cu papelnan a perde. Un lider lo a soluciona enbes di punta dede.
Despues cu el’a sinti e cayente di meastronan, apenas awor ela core busca papelnan pa corigi su propio atraso y firma e contractnan.
E conclucion cu tur hende por saca ta cu Gerlien a resulta un decepcion. E no por goberna y no tin hendenan adecua rond di dje cu ta domina e trabao.
Entodo caso el’a haye den pura ta atende e problemanan y pe firma e contractnan.
Desde dialuna Gerlien su whatsapp tabata den rementa di maestronan rabia.
Por a sinti cayente na DPS, unda maestronan tabata hopi rabia y desapunta.
E alegacion di Gerlien cu esaki tin di haber cu gobierno anterior of cu Endy Croes ta nada otro cu un smoesje barata.
E contractnan aki a termina dia 31 di juli 2025. Pues ta ridiculo cu Gerlien y e media cu e ta paga, 24Ora kier schuif e problema riba Endy.
Tempo di Endy Croes, nunca el’a yora! El’a percurpa pa soluciona pa asina tur maestro por cobra nan cen.
Tin un diferencia grandi entre Endy Croes y Gerlien Croes. Endy a traha sin yora, Gerlien ta yora sin traha.
