Hincando man den saco pa saca yabi, pa habri porta di parlamento…
Diahuebs atardi por a mira riba videonan con Rycond di AVP a dicidi di hinca man den su saco di carson, saca yabi di porta di parlamento y a habri e porta. Rycond no ta encarga cu maneho di parlamento y no tabatin nada di haci pa cu ricibi e manifestantenan, pero esaki ta bao encargo di Sr. Edgard Vrolijk. Pues, ora el’a habri e porta, el’a topa cu tur e personal di CEA cu tabata cuida e edificio di parti paden. Eynan mes e presidente tabata y e presidente mirando e wega a sali mesora pafo. Pues e intencion tabata pa habri e porta y asina tur manifestante lo a basha bay paden den sala di parlamento. No ta prome ves cu AVP ta haci sorto di cosnan asina. Ta spera cu Rycond por wordo keha tambe na BIA pa su falta di integridad. Y tambe e mester siña su les, cu e no ta esun yama pa habri porta di parlamento.
