Nos ta respeta tur hende, maske cu si nan no kier scucha e berdad
Tin biaha nos no ta compronde e actitud y comportacion di cierto hendenan. Den e caso aki Ivo Valdes! Ivo Valdes tabata presidente di SIMAR na 2010, ora cu nan a bay sinta cu Mike Eman y a pasa e prome machetaso den pensioen. Di e sistema di PVL, a cambia pa NPR 2011. PVL a termina dia 31 di December. Kico e cambio ta encera? Cu a pasa machete den pensioen, unda lo bay haci e calculo na ‘middenloon’, es decir un promedio di loke a start y loke a termina na salario. Tambe a incorpora dos pensioen den un, esta e pensioen di viehes. Pues, ta ken su firma esaki ta? No ta di Ivo Valdes?
Esaki no ta tur, na 2014, SIMAR a bolbe sinta cu Mike Eman pa bolbe pasa machete. Eynan nan a hisa e edad di pensioen di 60 pa 65 aña y tambe nan a elimina e gelijkbedrag pa tur persona cu baha cu pensioen per 1 januari 2015.
Pues, entotal SIMAR a firma 4 recorte di pensioen pa tur ambtenaar di cual Ivo Valdes tambe a sinta come pandushi cu Mike Eman.
Cu SOLO DI PUEBLO ta trece e berdadnan aki cla y raspa, ningun hende mester considere como falta di respect, pasobra den debate fuerte, no tin espacio pa finesa.