Diadomingo prome cu 3’or di marduga den Ranchostraat a surgi un problema unda un homber a topa cu algun persona y nan a pidie pa su celular y aki nan a ranca su celular y otro pertenencianan di dje. E homber maltrata a yega warda di Playa pa entrega denuncia na autoridad, y aki patruyanan a presenta di biaha den Ranchostraat. Polisnan a topa cu dos homber cu a sali for di e cas den Ranchostraat y aki a topa cu un holoshi benta abou cu ta di e persona cu a keda asalta y agredi. E oficialnan a bay over na detention di e dos homber y a tuma dato y a tuma e holoshi benta abou, mes momento a papia cu e victima pa bay warda y tuma su datonan completo.
