Diaranson atardi, via NoticiaCla, Abogado David Kock a informa, cu e caso di Benny Sevinger no ta trata di un persecucion politico. Esaki nos por conclui a base di su declaracion, ora cu el’a declara cu enberdad tin hendenan cu a haci malo, o sea a admiti cu tin cosnan robes cu a sosode.
Esaki ta un declaracion liña recta contra su cliente Benny Sevinger, cu desde semper y ainda keto bay, hasta na salida di prison, tabata grita, cu ta un persecucion politico contra Benny. Segun Benny ta su opositornan kier cer’e y sak’e di politica.
E declaracion di David Kock mester wordo mira e ora, cu Ministerio Publico tin rason pa cuminza e caso y ta den su derecho y cu tur esnan cu a entrega informacion of keho na OM, tambe tabatin motibonan funda pa haci tal.
Abogado David Kock tabata hopi cautelso ora el’a papia di su cliente. Segun abogado Kock, su cliente ta inocente, pero e no sa kico e otro 15 sospechosonan a declara of ki documento nan por tin.
Pues, tur cos ta depende ora cu e haya tur e pakete completo di e caso, pasobra te cu aworaki ta fragmento so el’a haya.
