Keho di lastramento, instigacion y difamacion a bati na porta di Patrick Paskel
Patrick Paskel tin algun demanda contra dje, civil y penal. Abogado Gabri de Hoogd a representa abogado Maritza Boyce, den un caso di difamacion. E caso ta draai riba e hecho cu Patrick Paskel a papia su lenga voorbij, y a bay over na difamacion y bisa cosnan incorecto cu no a cay den bon tera, of cu ta impugna contra berdad. Lo tin di haber cu un caso di un of otro ilegal. Lo ta trata di un demanda pa rectificacion.
Mas leu, Patrick Paskel a bisa tambe abiertamente, cu Maritza Boyce a acudi na warda di polis pa entrega keho penal contra dje pa smaad en laster, cual ta un delito di pinta hende preto, instiga y bisa cosnan cu no ta berdad,
Parce cu polisnan NO kier a ricibi Maritza Boyce, y parce hasta a core for di warda di polis, y na mes momento nan a coy telefon yama Patrick Paskel pa tip e off. Polisnan na warda di polis a bisa Patrick Paskel tambe, kende tabata e persona sinta na banda den auto, cu a compaña abogado Boyce pa entrega keho y tambe cu Officier lo no tuma ningun caso contra su persona.
Informacion ricibi ta bisa cu e difamacion no ta termina y ta sigui den forma di haatzaai, unda ta spart odio, instiga pisa contra di Maritza Boyce.
E tipo di actitud aki di Patrick Paskel no ta nada nobo, ya cu diaramente e ta instiga contra henter Aruba.
SOLO DI PUEBLO tin entendi cu tin mas caso den direccion di Patrick Paskel, dor di personanan cu e ta ofende y insulta.
Ta motibo serio si pa yama atencion di Ministerio Publico, pa tira un bista riba e diferente kehonan penal contra Paskel y pa nan no hinke den doofpot.
