Caya G.F.Betico Croes/Scopapelstraat – Diasabra mainta algo prome cu 10’or polis y ambulance a bay e crusada di Scopapelstraat cu ta drenta Tarabana. Ey nan lo a sosode un accidente cu herido.
Truck y Suzuki
Na yegada di polis y ambulance, nan a topa cu Truck y un Suzuki Swift.Paramediconan na e sitio a baha pa controla e persona cu lo tawata herida, pero a resulta cu no tawata tin heridos.
Falta di preferencia 
Na e sitio nos a compronde cu e chauffeur di e Truck no a mira e Swift cu e dos damanan biniendo di pabou direccion Cumana.E la subi y aki e Suzuki a hak den e bumper di hero di e Truck doblando esaki y alabes causando hopi daño na e Swift mes.
Esnan cu a mira e accidente a pensa lo peor, pero danki Dios cu esey no tawata e caso.
Polis di trafico a yega pa asina atende cu e accidente aki.

LEAVE A REPLY

Please enter your comment!
Please enter your name here