Kico ta e.o. e caso ?
Hopi adulto mayor : no tin “auto of rijbewijs” di moda cu nan ta depende ,kizas contra pago ,di otro hende pa nan por move bay cumpra cuminda of pa cumpli cu citanan di dokter.
Tin cu por paga y tin cu no por paga pa transporte.
Den nos sistema na Aruba tin casonan tambe bon organisa pa Gobierno/AZV den combinacion cu e sector priva , liber di pago pa e pashent.
E bon ehempelnan ta :
– e servicio di hiba y trece pashent pa e famoso “wondenpoli” di hospital sin cobra e pashent ;
– e servicio di botica pa hiba remedi ( via recept ) na cas di pashent sin cobra pa e servicio ;
– e tremendo servicio di hospital pa bay cas di pashent ( sin cobra pashent ) ora mester haci test di sanger/urina ;
– sigur lo tin mas caso pa menciona.
Remarcabel ta cu ta haña mayoria di e servicionan liber di pago pa e pashent den e sector di cuido cu ta responsabilidad di Gobierno/AZV.
PERO Gobierno/AZV mester sondea den ful servicio di cuido cua otro servicio porta liber di pago pa adultonan mayor ,cu no tin transporte. Gobierno/AZV mester introduci mas servicio liber di pago pa e pashent na Aruba pa facilita pashent y dokternan (p.e. informa pashent via telefon di resultado di test sin exigi pa pashent bay oficina di dokter pa tende resultado ! )
Cu e desaroyo moderno den mundo electronico sigur Gobierno/AZV lo topa cu mas servicio cu por ta liber y cu lo por facilita pashent y e trabou di “zorgverleners” di AZV.
Ta costa asina hopi placa pa organisa un “werkgroep” ( incluyendo experto medico y no-medico )pa studia structura di trabou den ful mundo medico na Aruba ?
Definitivamente Aruba ( Gobierno mes ) mester di un Departamento ( cu expertonan di diferente ramo ) encarga cu organisa y reorganisa tur Departamento di Gobierno y su companianan pa logra miho servicio ( mas eficiente y di menos gasto pa tur habitante di Aruba y no pa un grupito so)
Pa un Aruba bon of miho structura !
