Apertura di Pasadia Briyo di Solo su Snoezel ruimte despues di renobacion

Na prome lugar Team y clientenan di Pasadia Briyo di Solo kier a gradici tur  persona cu di un of otro manera a duna nan aporte pa asina nos por a realisa otro projecto cu ta e renobación di nos SnoezelRuimte. Nos kier gradici Jorge Rosel  di Notorious design pa e tremendo arte di airbrush.

Pasadia Briyo di Solo tin capacidad pa 60 cliente adulto cu deficiencia intelectual cu ta bishita e Pasadia tur dia. Na Pasadia Briyo di Solo tin 5 grupo di 12 cliente, unda ta wordo ofreci actividadnan pa nan desarrollo intelectual, pa nos clientenan por bira mas independiente posible y /of mantene loke nan a siña caba. 

E snoezel Ruimte ta un parti di e programa cu Pasadia Briyo di Solo  ta brinda na nos cliente nan. E snoezel ruimte ta wordo usa cu 2 meta. E Prome meta ta pa stimula e 4 sentido nan mas importante di nos clientenan pe; Oido, visual, holor, sinti (voelen). Di dos meta di e Snoezel ruimte ta pa relaha y/of baha e estimulo nan di e 4 sentidonan aki.

• E sentido di Oído nos ta stimula cu e sistema nobo di Smart device Alexa cu ta produci sonidonan di bestia, ola di lama, awa ta yobe. E systema aki ta produci Delta Wave cu ta juda nos clientenan relaha den snoezel ruimte.
• E sentido di visual, e systema di lus ta manda efecto di lus cu diferente forma y color, snoezel ruimte a wordo airbrush cu diferente pintura di bou di lama y esaki nan ta refleha cu e sistema di lus. Mientras  cu e cliente ta disfruta y relaha su mes ariba e efectonan di lus.
• E sentido di holor, cliente nan ta ricibi aroma therapie cu nos difuser machine cu diferene holor di aroma.
• E sentido di sinti (voelen), tin un baki yena cu bala caminda clientenan ta drenta den e baki aki. Clientenan ta drumi y sinti e bala nan rond di nan curpa, tambe nos tin cama di awa y cama di aire cu cliente nan por drumi ariba y relaha nan mes.

 Nos kier gradici un biaha mas tur esnan cu a hasi donacion na nos Pasadia na aña 2017 na momento cu nos 3 gruponan a kima. A pesar di a drecha 3 grupo nan aki full bek. Nos a logra diferente otro projecto nan di renobación aki na Pasadia y e Snoezel ruimte ta un di nan.

Team Pasadia Briyo di Solo.