DEPORTE – Diadomingo weganan di clasificacion pa Mundial Qatar 2022 a continua unda cu den zona di CONMEBOL tabata tin accion.

Un di e weganan cu a hala atencion tabata entre Argentina y Uruguay, Argentina tabata na di dos lugar prome cu e wega cu 19 punto mientras cu Uruguay tabata na di cuater lugar cu 16 punto.

Parce cu Argentina despues di a titula campeon di Copa America, ta hungando mihor futbol cu den e ultimo temponan cu a pasa.

Na di 38 minuut, Argentina ta bay ariba cu score di 1-0, gol anota pa Lionel Messi y cu asistencia di Giovani Lo Celso.

Na di 44 minuut, Argentina ta haci e wega 2-0 cu gol di Rodrigo de Paul y cu asistencia di Lautaro Martinez.

Prome mitar a bay den descanso cu score di 2-0 na fabor di Argentina.

Den di dos mitar na di 62 minuut, Argentina ta sentencia e wega aki cu gol di Lautaro Martinez y un biaha mas cu asistencia di Giovani Lo Celso.

Asina tambe e wega aki a termina cu score di 3-0 na fabor di Argentina cu ta logra keda mantene e di dos puesto riba tabla di clasificacion cu 22 punto, mientras cu Uruguay ta keda cu 16 punto despues di e derota aki.

Den otro weganan di zona di CONMEBOL, Brazil y Colombia ta keda empata 0-0 y Brazil ta perde e puntahe perfecto cu e tabata tin den weganan aki y ta yega 28 punto cu ta practicamente clasifica si pa mundial di 2022, Venezuela ta sorprende Ecuador cu score di 2-1, Bolivia ta gana Peru 1-0, y Chile ta mantene speranza ganando Paraguay cu score di 2-0.

LEAVE A REPLY

Please enter your comment!
Please enter your name here