Diasabra anochi a tuma lugar na T-Mobile Arena na Las Vegas, programa di boxeo caminda cu e pelea principal tabata entre Deontay Wilder di USA y Tyson Fury di Inglaterra.

Esaki tabata e di tres ocasion cu e boxdonan aki a enfrenta otro, den prome pelea ambos boxdo tabata tin bon momento, pero na final di pelea esaki a wordo declara empate.

Despues a sigui e di dos pelea caminda cu e dominio di Fury tabata mucho mas y a logra knockout Wilder pa asina kita e titulo for di Wilder.

Diasabra anochi a tuma lugar e di tres pelea, e caminata di ambos boxdo pa subi ring tabata den forma expectacular acompaña pa un show di entrada grandi.

Despues di introduccion di ambos boxdo a sigui e pelea, Deontay Wilder tabata tin mihor parti den prome round, pero casi na final di prome round, Fury ta conecta un tremendo 1-2 pa cera e round.

Den di dos round Fury a domina y ta logra gana e round aki, den di tres round a tuma lugar e prome caida unda cu Fury ta conecta un bon golpi y ta tuma Wilder.

Den di cuater round por poco e pelea a yega su fin, unda cu Wilder ta logra tumba Fury na dos ocasion y lague den mal condicion, pero Fury a logra sobre vivi e di cuater round.

Tabata mustra cu despues di e round aki, Wilder a gasta hopi di su energia y no tabata tira golpi manera na comienzo di e pelea.

Mientras tanto Tyson Fury a recupera y aunque a cay 2 biaha y a domina e roundnan restante, conectando golpinan fuerte.

Den di diez round, Tyson Fury un biaha mas ta manda Deontay Wilder lona pa di dos ocasion den e pelea aki, tabata mustra cu esaki lo tabata fin di e pelea, pero Wilder a logra lanta y sobre vivi e round.

Den di diesun round Tyson Fury ta logra finaliza e pelea cu un upper fuerte caminda cu referee a dicidi di para e pelea di inmediato.

Asina tambe Tyson Fury ta retene su titulo di WBC y Ring Magazine, e proximo pelea lo tabata un mega show contra di Anthony Joshua, pero Joshua recientemente a perde su pelea y kizas lo tin pelea di revancha contra di Oleksandr Usyk prome cu e mega show contra di Tyson Fury.

LEAVE A REPLY

Please enter your comment!
Please enter your name here