Aruba a conoce su campeonnan y sub-campeonnan di volleyball

Durante e ultimo siman y weekend aki Aruba a conoce su campeonan y sub-campeonan di Volleyball pa e Campeonato Nacional 2025-2026 den tur e divisionnan. Un Campeonato bastante largo cu participacion di 29 Team den diferente categoria di hobennan y senioren, damas y cabayeros. Publico a asisti na grandi den Centro Deportivo Betico Croes unda tur e weganan final a tuma lugar.

Aruba Volleyball Association su meta pa cu e Campeonato Nacional 2025-2026 tabata pa engrandece e cantidad di teamnan den e categoria di hobennan cual a ser logra cu participacion di 15 team den e categorianan U-15, U-17 y U-19. Un total di 200 atleta participa den e categoria di hobennan.

Pa cu e categoria U-15 Girls e Teamnan di Volleyball Positivo  y Phoenix Volleyball Team a yega e finalnan unda den un “best out of 3 Game” e Team di Phoenix Volleyball Team a bira Campeon cu e score di 2-1 y Volleyball Positivo a keda sub-campeon. Ambos team a bataya te na ultimo.

  ..

SUBCAMPEON U-15 GIRLS VOLLEYBALL POSITIVO TEAM

Pa cu e categoria U-17 Boys e Teamnan di Volleyball Positivo y Spartans Volleyball Team a bataya pa e titulo campeonil y akinan Spartans Volleyball Team a triunfa den un “best out of 3 Game” cu e score di 2-1 ariba Volleyball Positivo.

..

CAMPEON U-17 BOYS SPARTANS VOLLEYBALL TEAM

.. ..

SUB-CAMPEON U-17 BOYS  VOLLEYBALL  POSITIVO TEAM

Un PABIEN na tur e Atletanan, Coachnan, Trainers y Dirigentenan di e Teamnan Campeon y Sub-Campeon.