Den e competencia nacional di volleyball – categoria damas y cabayeros A-Klasse – e equiponan di YOU KNOW Volleyball Team (Damas) y SPARTANS Volleyball Team (Cabayeros) a bira e Campeonnan pa loke ta Campeonato Nacional 2025-2026.
Den e categoria di Damas A-Klas YOU KNOW Volleyball Team a enfrenta e damasnan di ALL SET Volleyball Team unda den un tremendo “best out of 3 game” e damasnan di YOU KNOW a gana 2-0. Ambos wega a bay 5 set unda den tur dos wega YOU KNOW a sa di bay cu e triunfo ganando e setnan hopi perta. E wega pa campeon a bay cu e score-nan 25-22 / 25-23 / 28-30 / 23-25 y e ultimo set YOU KNOW a gana 15-12. PABIEN na YOU KNOW Volleyball Team y ALL SET Volleyball Team.
Den categoria di A-klas cabayeros e dos teamnan SPARTANS Volleyball Team y PANTHERS Volleyball Team a topa otro ariba e canchanan di Centro Deportivo Betico Croes pa hunga e final. Den dos salida – “best out of 3 game” – e team di SPARTANS Volleyball Team a vence e team di PANTHERS cu score di 2-0 y asina bay cu e titulo di campeon pa aña 2025-2026. PANTHERS Volleyball Team a keda na di dos lugar.
