Reconocemento di empleadonan di aña den cada departamento ta wordo scogi a base di ehecucion di trabou ehemplar durante henter aña. E reconocemento ta inclui no solamente e ehecucion di nan responsabilidadnan na un nivel superior pero tambe ariba nan contribucion na e mission, metanan, balornan y strategia di e banco.
A nomina empleado den cinco (5) categoria:
Nominadonan pa empleado di aña di Back Office:
Yanais Arends, Yuri Ponson, Stephanie Camacho, Nelleke Cardenas, Brenda Frank, Maria Rovelet, Julio Jacobs, Kam-Mee Lieuw, Jo-Ellyn Felten, Carolina Klepper, Vivienne Bruin, Emy Kelly, Marlon Kock, Ruthlyne Heward
Nominadonan pa empleado di aña di Front Office:
Lisette Danker, Margory Koolman, Bryan Nemecek, Carina Semeleer, Eugene Dubero, Rachel Mak, Jane Figaroa.
Nominadonan pa empleado di aña den categoria di Leadership:
Nancy Rojer, Edna Boekhoudt, Marusha Tromp, Charissa Maduro, Lizani Wever, Nigel Wix
Nominadonan pa empleado di aña den categoria di Lifetime achievement:
Rodney Geerman, Yolanda Mathilda.
Team / Departmento nomina pa wordo eligi team / departamento di aña:
Platinum Banking, Compliance Service Department, Finance & ALRM Department, Workstream Finance, Human Resources Department, IT / Security BCM Team
Durante un ceremonia casual na Patio 15, empleadonan a bini hunto pa ricibi nan merecido reconocemento y comparti e alegria cu nan coleganan. Tur presente a scucha algun anecdota y storia cortico di e nominado y su contribucion.
Durante di e ceremonia a anuncia esnan cu a sobresali den nan esfuerso y resultado, di cada grupo. Stephanie Camacho, Jane Figaroa, Nancy Rojer y full e departamento di recurso humano a ricibi nan reconocemento maximo y alabes a otorga Rodney Geerman y Yolanda Mathilda cu e “Lifetime Achievement Award” pa nan dedicacion pa mas di 30 aña na Aruba Bank.
Segun Sra. Barbara Bronswinkel, encarga cu Experiencia di Empleado y Recurso Humano, “Aruba Bank tin hopi pa celebra. Cada un di nos coleganan ta contribui diariamente na e logronan y metanan di nos compania, sin e dedicacion aki mucho no lo ta posibel. Esnan nomina a logra destaca durante 2021, y pesei nos ta reconoce nan pa compromete na duna un Experiencia Superior interno y externo!”
Masha pabien na tur pa e empeño y esfuerso cu a hiba Aruba Bank dilanti durante di 2021!
