Stichting Musica ta contento cu e prome anochi di Prefinals di Aruba Caiso & Soca Monarch 2023 a ranca sali! Dedica na nos baluarte nacional y un tremendo sostenedor di e festival, Ruben Garcia (dfm), e prome anochi a tuma lugar den su bario!
Na Centro di Bario Dakota, publico presente a goza di e siguiente presentacionnan:
ZETA BAND cu e Caiso di Mighty Tattoo: I Had Enough (compositor: Richard Quant / areglista: Markkeys Maduro). Y e Soca di Mighty Tattoo: Don’t Mess With the Black Man (compositor: Richard Quant & Dolfi Richardson / areglista: Dolfi Richardson).
TSUNAMI cu e Soca di Lady La Rouge: Activate (compositor: Randolph Berry / areglista: Hendry Tromp). E Soca di Freddy Rasta: Outside Again (compositor: Freddy Richardson / areglista: Freddy Richardson, Xavier Foster y Ashwin Brown). E Soca di Daddy Bass: Bacchanal Again (compositor: Randolph Berry / areglista: Hendry Tromp). Tambe e Caiso di Easy B: LISIA – Life Is Sweet In Aruba (compositor: Carl Roosberg Sr. / areglista: Samuel Jack), e Soca di Easy B: MMP – Mass Must Play (compositor: Bradley Vesprey / areglista: Hendry Tromp). y e Caiso di Galloway: Never Give Up (compositor: Carl Roosberg Sr. / areglista: Samuel Jack) y Soca di Galloway: Oxygen (compositor: Carl Roosberg / areglista: Wayne Spanner)
MELLOW cu e Soca di Ezzrraaa: Soca Line (compositor y areglista: Dolfi Richardson). CARIBBEAN BAND cu e Soca di Mighty Jaoul: Old Mass (compositor y areglista: Ralph Godet).
Stichting Musica semper ta trata pa cada artista y banda ricibi nan debido atencion den media. Pa e motibo aki, radio emisoranan y plataformanan di media lo ricibi e produccionnan di tur tres anochi di Prefinals, na mes momento. Mas cu claro, cada artista y banda tin e libertad pa haci promocion riba nan mes. Cada banda ta permiti pa por graba nan presentacion durante nan participacion riba nan mes cu permiso di e organizacion St. Musica. Sinembargo, e organisacion ta haya cu ta sumamente importante pa duna cada produccion un “fair airplay” y St. Musica lo distribui e material oficial “Live recording”, despues di e ultimo anochi di prefinal. E compania IQ Music Lab ta encarga pa tur grabacion di nos Pre Finals y Telearuba cu tur grabacion audiovisual.
Aruba ta cordialmente invita pa bin apoya y goza di e musica di N Fuzion, Sound and More, Suona, YX3M y Buleria, diasabra awor na Centro di Bario Playa Pabao. Tickets pa entrada ta disponibel na …. y tambe via Pay.aw pa solamente Afl 20,-. Cu un cushina y bar bon surti y hopi ambiente, den bario!
Stichting Musica ta gradici e musiconan cu ta participando na e festival y a mustra di ta hopi bon prepara. Tambe, un gradicimento na e partners di Aruba Caiso & Soca Monarch pa nan aporte: Setar, Aruba Bank y Balashi. Y e sosten di Telearuba, Elite Productions & Entertainment cu ta encarga cu e parti audiovisual di e festival.
Bishita e Facebook page di Stichting Musica pa potret y video di e prome anochi di Prefinals y mas informacion relata na Aruba Caiso & Soca Monarch 2023.
