Un otro exitoso weekend unda boluntarismo a demostra con grandi nos Isla ta den yuda, crea y stimacion cu tin pa bo prohimo.
Diabierna mainta tempran Aruba Doet a cuminsa hunto cu gobernador di Aruba, su excelencia Alfonso Boekhoudt, director di CEDE Aruba sr Daniel Tecklenborg y organisador di Aruba Doet, señora Paulien ter Meulen.
Gobernador di Aruba Alfonso Boekhoudt a marca e inicio oficial di Aruba Doet diabierna mainta unda ela duna di conoce cu pe ta un honor pa por a escohe YMCA San Nicolaas paso ta hopi sodo y bunita recuerdo tin di dje riba e veld di basketball. Ta aki ela hunga y train basketball den su hubentud. E ta contento cu e por duna back awo durante Aruba Doet huntu cu su team di kabinet na YMCA. Simbolicamente DOETI a entrega un roller pa verf na gobernadora pa asina e lora manga y cuminsa verf e gang di e edificio.
E proyecto di YMCA tawata 1 di e 190 proyecto cu a tuma lugar e fin di siman pasa. Casi 4.000 boluntario a duna un man den diferente proyecto rond di henter nos isla.
Bunita pa remarca ta cu tin companianan cu un bez mas a duna nan personeel e oportunidad pa haci trabou boluntario y ta gradici nan tambe pa e oportunidad aki. Un ehempel sigur ta difederacion di baseball cu a para weganan pa asina duna oportunidad na clubnan participa riba nan tereno. Esaki a sosode cu mas deporte.
Aruba Doet ta un iniciativa di CEDE Aruba den cooperacion cu Oranje Fonds, unda organisacionnan social y boluntarionan ta bini hunto pa haci trabou pa of actividadnan social cu un grupo di interes.
Aruba Doet kier a gradici tur cu a forma parti den e 11 edicion aki y ta preparando caba pa otro aña.
