Nos propio curpa ta tempel bibo di Spirito Santo, e Evangelio aki ta invita nos pa puntra nos mes ki desordo nos a laga drenta paden di nos tempel. Nos a cambia nos bida y nos curason p’asina lag’e yena cu interesnan egoista of fofo? Of nos a lag’e yena cu rencor, lubidando cu nos a wordo crea pa crece den oracion y e relacion cu Dios. Akinan Hesus ta mustra nos e amor pa lo sagrado, tin biaha nos bida ta cay den desordo, ora nos uza personanan pa un proposito robes. Hesus kier drenta awe y pone ordo cu suavidad pero cu firmesa tambe pero, sacando cosnan cu ta aleha nos di Su paz. E pueblo tabata pendiente di Hesus meymey di un mundo yen di distraccion, desordo y mensahenan bashi, e Evangelio aki ta reta nos pa stop y bolbe sintonisa nos bida cu e Palabra di Hesus, lagando pa E sea Esun cu lo guia nos na e balornan y prioridadnan den bida.
Oracion: Señor, mescos cu Bo a purifica e tempel, bin awe na mi encuentro den oracion pa Bo mustra mi kico mi tin cu saca for di mi bida pa por keda purifica. Mi ta anhela pa Bo bin y haci den mi Bo biba. Amen.





