Ateliers ’89 Punto di Beyas Artes Aruba hunto cu Fresh Milk Barbados y Arc Platform Sint Vincent, ta sigui cu e dos edicion Caribbean linked VI 2021- 2022 On-Line, pa publico, Diamars awor 31 di Augustus 2021 via You Tube. Y lo sera asina tambe e edicion aki di Caribbean Linked VI On – Line, Diaranson 1 di September cu presentacion live di e exposicion P A N pa TELE ARUBA entre 4 y 5 pm tur dos dia.Anticipando Caribbean Linked VI na July 2022 na Ateliers’89, Caribbean Linked VI On – Line, ta un programa especial cu a wordo crea pa e artistanan participante di CLVI. Cu no por a wordo ehecuta e aña aki den e temporada di Covid. Den e reunion via You-tube lo coversa on-line y asina e artistanan por siña conoce otro mas di cerca y presenta nan mes y nan obranan di arte na otro, na e curadornan Caribbean Linked VI y publico en general. Importante di Diamars awor ta cu aki lo presenta e representacion di Aruba cu e artistanan di Ateleirs’89, Romelinda Maldonado y Samuel Sarmiento. Hunto cu e artistanan di Sint Maarten Claudio Arnell, di Cayman Islands John Reno Jackson y di Guadeloupe Beliza Troupe. Bou guia di e moderadornan Annalee Davis di Fresh Milk Barbados y Holly Bynoe di ARC Platform Sint-Vincent hunto cu cooperacion di Katherine Kennedy Barbados y Director Ateliers ’89 Elvis López. Un bunita oportunidad unda e artistanan den momento hopi special lo introduci splica nan mes y nan obra di arte na e publico espectador riba Youtube live.
Diaranson awor 1 di September entre 4 – 5 pm lo cera e edicion aki di Caribbean Linked VI On-Line. Esaki haci posibel cu e gran cooprecion di TELE ARUBA. Presentando y transmitiendo live for di e salanan mayornan di exposicion di Ateliers’89, e exposicion andando, P A N, Dios su Artistanan (den tempo di Covid). Unda cu ta ilustra e resultado magnifico di e preparacion di su artistanan. Di kenan a zorg pa bai studia afo y termina nan estudio satisfactorio den nan escohencia di arte contemporaneo. Exaltando asina cu hopi critica positivo cu nan obranan alto nivel den e exposicion aki di P A N.
E artistanan cu por ta presente lo papir live di nan obra di arte. Nos ta invita tur amante di arte, amigonan di Ateliers ’89 y Aruba en general pa no perde e oportunidad unico aki di presencia e dos eventonan aki y duna boso aporte na nos artistanan local. Ateliers ’89 ta sigui ta e Punto di Beyas Artes Aruba cu su workshopnan, exposicionan, residencia pa artistanan internacional, Arte den Bario, sala di teatro Black Box y ta prepara hobennan den tur ramo di arte pa nan por drenta un Academia di arte den exterior. Patrocina y cu hopi danki na y pa , Gobierno di Aruba, TPEF, TELE ARUBA, Mondriaan Fonds, UNOCA, Prins Bernhard Cultuurfonds, Bank Giro Loterij, VNO, Cine Aruba, SETAR, Rotaract Aruba, Garage Centraal, Vibartion PR.
